Raghuvanshi Prathna

લોકાભિરામં રણરંગ ધીરમ । રાજીવનેત્રમ રઘુવંશ નાથમ ।।
કારુણ્યરૂપમ કરૂણા કરંત્મ । શ્રી રામચંદ્રમ શરણં પ્રપધ્યે ।।

મનોજવમ મારુત તુલ્ય વેગમ । જિતેંદ્રિયમ બુદ્ધિમતાં વરિષ્ઠમ ।।
વાતાત્મજમ વાનર યૂથ મુખ્યમ । શ્રી રામદૂતમ શરણં પ્રપધ્યે ।।

1. રઘુકુળ ભુષણ રામનાં વંશજ લોહાણાઓ અમે
   રવીકુળ તણા ગૌરવ સહિત જીવન અમારુ જીવીએ.
2. રઘુવંશનાં આદર્શ ભાતૃભાવને નિભાવીએ
   પિતૃભક્તિને સમર્પણથી જીવન શોભાવીએ.
3. આ ધર્મ મર્યાદા સહિત નિજ વચન પાલનને વિશે
   ઉત્સુક સદા રહીને જીવનરથને સતત હંકારીએ.
4. જલારામબાપા યોગીબાપાના સુખાશીર્વાદથી
   ઝુલેલાલની કરુણા થકી માનવ જીવન દીપાવીએ.
5. અમે રામનાં સંતાન સૌ સાથે મળીને ચાલીએ
   જયરામ સીતારામનો એ વિજય ધ્વજ લહેરાવીએ
   જયરામ સીતારામનાં જયનાદને જ ગજાવીએ.